16:55 У магілу Мілошавіча ўваткнулі кол
Выпадак
палітычнага вандалізму адбыўся на цвінтары сербскага горада Пажаравац, дзе
пахаваны экс-прэзідэнт Югаславіі Слабадан Мілошавіч.
РИА “Новости” са спасылкай
на сербскія медыі паведамляе, што былы актывіст руху “Отпор” і цёзка палітыка
Міраслаў Мілошавіч уваткнуў у надмагільны помнік драўляны кол — гэтак у сярэднявечнай Сербіі
рабілі, каб пахаваны не ператварыўся ў вампіра і не вылез з магілы.
Вандал
распавёў, што першапачаткова планаваў сваю акцыю на ўгодкі пахавання Мілошавіча
— 11-га, але пабаяўся
гневу прыхільнікаў экс-дыктатара, якія прыйшлі б наведаць яго магілу. Па словах
Міраслава Мілошавіча, ён тэлефанаваў у паліцыю і прызнаўся ў сваім учынку,
аднак там “не надалі гэтаму ніякай увагі”.
