16 лістапада па паўночным усходзе Беларусі прагназуюць галалёдзіцу

У сераду, 16 лістапада, у Беларусі чакаецца пераважна воблачнае надвор'е, паведамляе Белгідрамет.

У многіх раёнах пройдуць ападкі — дождж, мокры снег. Па паўночным усходзе на асобных участках дарог прагназуецца галалёдзіца — сіноптыкі абвясцілі жоўты ўзровень небяспекі. Уначы і зранку месцамі можа згушчацца слабы туман. Вецер уначы будзе пераменных напрамкаў умераны, а ўдзень — паўночна-ўсходні ад умеранага да парывістага.

На працягу сутак тэмпература будзе знаходзіцца ў межах ад -2 да +4, па поўдні краіны паветра прагрэецца да 6 градусаў цяпла.