Ва Украіну адмовіліся ехаць 12 байцоў Расгвардыі з краснадарскага АМАПа, піша юрыст і праваабаронца Павел Чыкаў. За гэта іх звольнілі.
"Адмову выканаць загад байцы Расгвардыі патлумачылі яго незаконнасцю. Ні ў аднаго з іх з сабой не было ні замежнага пашпарта, ні намеру пакінуць тэрыторыю Расіі, тады як іх прамыя службовыя абавязкі абмяжоўваліся тэрыторыяй Расійскай Федэрацыі", — расказвае ён дэталі здарэння.
Па словах Чыкава, амапаўцы заявілі, што ім не паведамілі пра "камандзіроўку на тэрыторыю Украіны для ўдзелу ў спецыяльнай ваеннай аперацыі", а таксама пра задачы і ўмовы гэтай аперацыі. Таму згоды на ўдзел у ёй яны не давалі.
Байцоў вярнулі ў Краснадар і пасля службовай парверкі звольнілі. Аднак яны лічаць гэтае звальненне незаконным і падалі ў суд пазоў пра аднаўленне на службе.