11 "каліноўцаў" атрымалі раненні за апошнія 10 дзён
![Рэчы параненых "каліноўцаў" / t.me/belwarriors](/sites/default/files/styles/gallery_main/public/2023-08/kalinoucy-0901.jpg.webp?itok=DX8VdOuD)
Рэчы параненых "каліноўцаў" / t.me/belwarriors
Адзінаццаць беларускіх добраахвотнікаў атрымалі раненні за апошнія дзесяць дзён, паведамляе прэс-служба Палка Каліноўскага.
Байцы ўдзельнічалі ў дзвюх буйных аперацыях на ўскрайку Бахмута 31 снежня і 3-4 студзеня.
31 снежня былі параненыя шэсць чалавек: двое атрымалі асколачныя раненні, а чацвёра — кантузіі рознай ступені.
3 і 4 студзеня былі параненыя пяць чалавек: у трох кулявыя раненні, адзін — з асколачным і яшчэ адзін — з кантузіяй.
Раней паведамлялася, што ў першыя дні студзеня раненне атрымалі кіраўнік "Маладога фронту" Дзяніс Урбановіч ("Ваўкалак") і Кірыл Іваноў ("Тор").
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.