ZM99 прадстаўляюць аблегчаны міні-альбом
Мінскі альтэрнатыўны гурт ZM99 прадставіў міні-альбом пад назвай "НИИ EP", які можна скачаць на сайце каманды zm99.net.
Рэліз складаецца з трох песень - 2 арыгінальных свежых трэкаў і
кавер-версіі песні гурта Нейра Дзюбель "Время распрощаться". У якасці
эксперыменту, мовай новых песень музыкі абралі рускую.
У інтэрв'ю парталу Metalscript.net гітарыст калектыву Вова Сахончык
распавёў, што гэтым ЕР гурт жадае "даць людзям трохі пазітыву". Таму,
музыкі вырашылі "не грузіць слухача", а трохі разнастаіць звыклы для
сябе негатыў і дадалі да гучання "максімум духавых".
Акрамя
таго, гурт надала шмат увагі графічнаму складніку рэлізу. Акрамя
вокладкі, разам з міньёнам можна скачаць набор wallpaper-малюнкаў.
Таксама ZM99 прапануе паглядзець на сваім сайце новы відэаролік на песню "Tram №69", зняты рознымі людзьмі, у розны час на розных канцэртах.
Цяпер ZM99 працуе над новым альбомам. А бліжэйшы жывы выступ гурта можна будзе пачуць 15 снежня ў Jolly Rodger Cafе.
Фота: another.by