Вяселле Таболічаў вандравала ў часе і прасторы
На гэтых выхадных сваё вяселле адсвяткавалі лідар гурта "Зніч" Алесь Таболіч і яго жонка Алеся.
Еўрарадыё
наведала урачыстасць для сям’і і сяброў у сядзібе пад Мінскам і
адкрытае святкаванне ў Рэактары, падчас якога павіншаваць новую сям’ю
маглі усе ахвочыя.
Афіцыйна сям’я Алесі і Алеся Таболічаў утварылася
ў суботу, 23 кастрычніка. Зацікаўленая грамадскасць станоўча ўспрыняла
гэтую навіну, бо пару лічаць вельмі прыгожай і ўдалай, і гэты вынік быў
прадказальны.
Для цікаўных адзначым, што Алеся Таболіч – студэнтка, яна вучыцца на філалагічным факультэце БДУ. Захоплены эмоцыямі, па нашай просьбе, Алесь не змог узгадаць дакладныя абставіны знаёмства з будучай жонкай, але на ўсё жыццё яго захапілі яе чароўныя вочы.
Вядома, што Алесь Таболіч – вялікі аматар этнікі і гісторыі. Таму не
дзіўна, што і вяселле складалася з 2-х частак: сучаснай, са строгімі
строямі і белай фатой, і традыцыйнай – у народных уборах з гармонікамі,
цымбаламі і скрыпкамі.
На баку народнасці і этнічнасці вяселля ў гэты вечар выступаў яшчэ адзін каларытны персанаж. Супрацоўніца музею народнай архітэктуры і побыту ў Строчыцах Валянціна Фёдараўна павінна была цягам гадзіны правесці ўсе неабходныя абрады так, як гэта рабілі нашы продкі, і саступіць месца вядучаму вяселля Дзмітрыю Шуніну. Аднак Фёдараўна, відаць, вырашыла так проста не здавацца. Амаль тры гадзіны па загадах жанчыны госці пелі, плясалі і чыталі віншаванні.
Гурт "Баламуты"
Атмасфера была вельмі цёплай і пяшчотнай нават на канцэрце ў Рэактары,
які адбыўся на наступны дзень. Уражанае вялікай колькасцю шчырай
дабрыні і цяпла, якую атрымлівалі маладыя ад сваіх сяброў і
прыхільнікаў, Еўрарадыё вырашыла нічога асаблівага не вынаходзіць і
проста прапанавала гасцям выказаць свае зычанні Таболічам.
![](/files/styles/in_report/public/field/image/2010/10/3184/18325.jpeg)
![](/files/styles/in_report/public/field/image/2010/10/3184/18326.jpeg)
Вакаліст нядаўна адроджаных Gods Tower, які апошнім часам пазіцыянуе сябе як адданага сем’яніна, з веданнем справы задаў курс сям’і Алеся і Алесі Таболічаў: “Цяпер такі час, што цяжка вызначыцца, чаго ж пажадаць. Здароўя, грошай, дзетак трэба, прынамсі дваіх, як у мяне. Чым болей нас – тым меней іх. Гэта добра, калі сям’я такая нестандартная. Бо калі стандартная – пралетарыі нараджаюцца: яна сталяр і ён муляр. А гэта трэба рабіць у творчай манеры”.
![](/files/styles/in_report/public/field/image/2010/10/3184/18327.jpeg)
Павел Карнюшын, вакаліст грута Imprudence, пажадаў маладой сям’і Таболічаў “усяго-ўсяго” і падарыў набор касметыкі.
“Шчасця, кахання і дабрабыту. Я ведаю, што гэта будзе добрая сям’я”, – з сентыментальнай ноткай у голасе дадаў металіст.
![](/files/styles/in_report/public/field/image/2010/10/3184/18328.jpeg)
![](/files/styles/in_report/public/field/image/2010/10/3184/18329.jpeg)
![](/files/styles/in_report/public/field/image/2010/10/3184/18330.jpeg)
![](/files/styles/in_report/public/field/image/2010/10/3184/18331.jpeg)
![](/files/styles/in_report/public/field/image/2010/10/3184/18332.jpeg)
![](/files/styles/in_report/public/field/image/2010/10/3184/18333.jpeg)
![](/files/styles/in_report/public/field/image/2010/10/3184/18334.jpeg)
![](/files/styles/in_report/public/field/image/2010/10/3184/18335.jpeg)
![](/files/styles/in_report/public/field/image/2010/10/3184/18336.jpeg)
![](/files/styles/in_report/public/field/image/2010/10/3184/18337.jpeg)
![](/files/styles/in_report/public/field/image/2010/10/3184/18338.jpeg)
"Няхай ваша жыццё будзе такім як наша музыка", - пажадалі маладым хлопцы з гурта SOK.
![](/files/styles/in_report/public/field/image/2010/10/3184/18339.jpeg)
![](/files/styles/in_report/public/field/image/2010/10/3184/18340.jpeg)
![](/files/styles/in_report/public/field/image/2010/10/3184/18341.jpeg)
Маці Алесі ўжо прызвычаілася да таго, што яе зяць – металіст і паганец, і бачыць у ім проста добрага чалавека і любіць як сына:
“Алесь для мяне адразу стаў родным, проста родная душа. Я яго люблю так, як любіла б сына. Пра такога зяця цешча можа толькі марыць”.
Такім чынам мы бачым, што бакі задаволеныя.
![](/files/styles/in_report/public/field/image/2010/10/3184/18342.jpeg)
Дзмітрый Шунін: “Звычайным гэта вяселле назваць немагчыма, яно было вельмі нестандартным. Уся гэта задума з пераапрананнем (маладыя пераапраналіся з сучасных у старажытныя вясельныя строі), з Фёдараўнай, якая сапсавала мне свята. А маладым варта пажадаць проста кайфа нейкага жыццёвага,няхай яны падтрымліваюць гэтую атмасферу ў сваім жыцці, і ўсё ў іх будзе добра. Я вас абажаю!”
![](/files/styles/in_report/public/field/image/2010/10/3184/18343.jpg)
Фота: Tarantino, Віталь Зыблюк