Верш Элвіса Прэслі прадалі за 20 тысяч долараў

Арыгінал верша “Ode to a Robin” аўтарства Элвіса Прэслі прададзены з аўкцыёна за 20 тысяч долараў.
І гэта пры тым, што першапачатковы кошт невялікага рукапісу складаў 3 тысячы. Верш стаў толькі часткай памятнага распродажу рэчаў Прэслі, які адбыўся на мінулым тыдні ў ЗША, паведамляе Lenta.ru.

Сярод іншых рарытэтаў найбольшым попытам карысталіся сіні касцюм з залатой вышыўкай і асабісты гараскоп спевака, складзены славутым астролагам Дэйвам Рудхайрам напрыканцы 60-х.