Украіна пачала будаваць "Сцяну" на мяжы з Расіяй
Ужо вырабляюцца інжынерныя загароды і фартыфікацыйныя сістэмы. Аднак толькі на тых участках мяжы, якія кантралююць украінскія сілавікі.
Нагадаем, значную частку мяжы з Расіяй на тэрыторыі Луганскай і Данецкай абласцей кантралююць тэрарысты.
Праект абсталявання ўкраінска-расійскай мяжы атрымаў назву "Сцяна". Днямі яго зацвердзіў урад і ўхваліў прэзідэнт Украіны Пятро Парашэнка. Гаворка ідзе пра два абарончыя рубяжы, задача якіх — недапушчэнне на ўкраінскую тэрыторыю праціўніка. Плануецца выкапаць каля 1,5 тысячы кіламетраў траншэй і хадоў злучэння, больш за 8 тысяч акопаў для тэхнікі, больш за 4 тысячы бліндажоў, пабудуюць 60-кіламетровую неўзрыўную загароду.
На здымку: "сцяна" на ізраільскай мяжы. Фота — AFP
