У ЗША патануў турыстычны аўтобус-амфібія

У ЗША патануў турыстычны аўтобус-амфібія. Загінулі не менш за 11 чалавек, 7 чалавек шпіталізаваныя, у аднаго з іх цяжкія траўмы, інфармуе "Бі-Бі-Сі". Здарэнне адбылося на возеры Тэйбл-Рок у штаце Місуры. На аўтобусе-амфібіі было каля 30 чалавек, у тым ліку і дзеці. Мяркуецца, што прычынай здарэння стаў моцны вецер (больш за 100 км за гадзіну), падняліся хвалі вышынёй больш за метр.

На возеры працуюць вадалазы, якія шукаюць пяць чалавек, якія зніклі без вестак.