У Пінску растуць цэны на кватэры
Пінскія агенцыі нерухомасці адзначылі рост цэнаў на кватэры на другасным рынку горада. У сярэднім квадратны метар падаражэў на 5%. Калі месяц таму пінскія двухпакаёўкі стандартнай планіроўкі каштавалі ад 28 да 32 тысяч долараў, то зараз ад 30 да 35 тысяч. Адмыслоўцы лічаць, што рост цэнаў адбыўся з-за завышаных чаканняў прадаўцоў перад Новым годам.
