У панядзелак вецер узмацніцца, пройдуць дажджы
У бліжэйшыя суткі, 30 кастрычніка, у Беларусі чакаецца надвор’е з узмацненнем ветру з парывамі да 15-22 метраў за секунду. Будзе хмарна, пройдуць дажджы, удзень па заходняй палове — з мокрым снегам.
Вецер будзе паўночна-заходні, моцны, парывісты. Тэмпература паветра цягам сутак складзе 2-7 градусаў цяпла.
У аўторак, 31 кастрычніка, у многіх раёнах захаваецца моцны вецер з парывамі да 15-22 метраў за секунду. Сіноптыкі абвяшчаюць аранжавы ўзровень небяспекі, перадае БЕЛТА са спасылкай на Белгідрамет.
