У панядзелак у Беларусі пройдзе мокры снег
У бліжэйшыя суткі, 2 студзеня, у Беларусі чакаецца хмарнае надвор’е. Сіноптыкі прагназуюць ападкі ў выглядзе мокрага снегу і дажджу. У асобных раёнах будзе туман, слабы галалёд. На асобных участках дарог — галалёдзіца.
Вецер будзе заходні, умеркаваны.
Тэмпература паветра цягам сутак складзе ад мінус 2 да плюс 3 градусаў, перадае БЕЛТА са спасылкай на Белгідрамет.
