У МУС пацвердзілі, што дзверы мінскай кавярні разбілі супрацоўнікі міліцыі
У МУС Беларусі пацвердзілі, што ў нядзелю дзверы мінскай кавярні разбілі супрацоўнікі міліцыі. Афіцыйная прадстаўніца міністэрства Вольга Чамаданава заявіла пра гэта "Комсомольской правде в Беларуси".
"Яны ўсе — супрацоўнікі міліцыі, — кажа Чамаданава. — Гэта ўсё — выключна размеркаванне сіл і сродкаў. Гэта сілы, якія могуць быць задзейнічаны ў тым ліку".
Моцныя мужчыны не мелі знакаў адрознення, былі ў бронекамізэльках паверх футболак, у балаклавах, з міліцэйскімі дручкамі ў руках. Яны нападалі на пратэстоўцаў, збівалі і затрымлівалі іх. Раней такога не было. Відэа эпізода, калі сілавікі ў цывільным разбіваюць зачыненыя дзверы кавярні, каб затрымаць пратэстоўцаў, ужо абышлі ўвесь свет. А прэс-сакратар расійскага прэзідэнта назваў гэта хуліганствам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.