У Магілёве больш няма Савецкай плошчы
Гарадскія ўлады пераіменавалі яе ў плошчу Славы.
Такое рашэнне прынялі 1 ліпеня дэпутаты Магілёўскага гарадскога савета большасцю галасоў, інфармуе БелаПАН.
Як заявіў старшыня Магілёўскага гарсавета Фёдар Міхеенка, назву "Савецкая плошча" ахоплівае толькі савецкі перыяд у гісторыі дзяржавы, але неабходна ўвекавечыць і імёны тых, хто славіў горад і краіну і ў іншы час. Паводле яго слоў, новая назва дазваляе ахапіць больш шырокі перыяд гісторыі як у мінулым, так і ў будучыні.
Міхеенка таксама падкрэсліў, што вынесенаму сёння на разгляд дэпутатаў праекту рашэння папярэднічала актыўнае абмеркаванне ў мясцовых СМІ і грамадскіх арганізацыях. А 24 чэрвеня быў праведзены круглы стол з удзелам дэпутатаў гарсавета, прадстаўнікоў выканаўчай улады, працоўных калектываў і грамадскіх арганізацый горада. Большасць удзельнікаў падтрымала ідэю перайменавання.
Фота mogved.by