У Літве дазволяць аднаполыя шлюбы
Пакуль – толькі на тэрыторыі консульства Вялікабрытаніі і толькі грамадзянам з Англіі і Уэльса.
Дазвол на гэта даў урад Літвы. Аднаполыя шлюбы ў Вялікабрытаніі былі ўзаконеныя роўна год таму, у ліпені 2013 года. Закон дзейнічае ў Англіі і Уэльсе і дазваляе асобам аднаго полу ўступаць у шлюб грамадзянскай цырымоніяй.
Таксама закон прадугледжвае, што аднаполыя шлюбы з 3 чэрвеня можна рэгістраваць у консульствах Вялікабрытаніі. Гэта можна рабіць у пэўных краінах, сярод якіх з’явіцца і Літва. “У Літве пасольства Вялікабрытаніі будзе гатова прапанаваць рэгістрацыю аднаполых шлюбаў грамадзянам Вялікабрытаніі з Англіі і Уэльса, -- пацвердзіў DELFI консул Вялікабрытаніі ў Літве Марцін Кушынг.
