У Краматорску баевікі скралі... цацачныя пісталеты
Крама дзіцячых тавараў "Малы" была абрабаваная ў гэтым украінскім горадзе ўначы.
Як паведамляе сайт kramatorsk.info, яна знаходзіцца ў старой частцы горада. Група невядомых патрапіла ў памяшканне, яны забралі грошы з касы і дзіцячыя тавары. Між іншым, баевікі (паколькі на той час яны кантралявалі ўвесь горад, наўрад ці хтосьці яшчэ рызыкнуў правесці такую "экспрапрыяцыю") скралі... цацачныя пісталеты. Прадпрымальнікі мяркуюць, што, пагражаючы такой "зброяй", зламыснікі будуць здзяйсняць рабункі.
Нагадаем, у Краматорску праходзіць антытэрарыстычная аперацыя. Да вечара суботы баевікі яшчэ ўтрымліваюць у сваіх руках цэнтр горада.
Фота — ria.ru
