У Херсоне пад мінамётны абстрэл трапіла маршрутка

У Херсоне маршрутка трапіла пад расійскі мінамётны абстрэлю. Пра гэта ў сваім тг-канале паведаміў кіраўнік Херсонскай абласной ваеннай адміністрацыі Аляксандр Пракудзін.

Як піша hromadske.ua, пры гэтым пацярпелі сем чалавек — пяць жанчын і два мужчыны. Яны атрымалі траўмы рознай ступені — ад цяжкай да лёгкай. Цяжкія раненні атрымала 36-гадовая херсонка. Таксама ў хірургічнае аддзяленне шпіталізавалі 69-гадовую жанчыну ў стане сярэдняй цяжкасці.

За мінулыя суткі расіяне 95 разоў абстралялі Херсонскую вобласць.