У Даніі выявілі новыя выпадкі атручвання сасіскамі
Міністэрства аховы здароўя Даніі паведамляе пра новыя выпадкі заражэння небяспечнай інфекцыяй.
Яе выклікаюць бактэрыі, якія ўтрымліваюцца ў сасісках, зробленых на заводзе пад Капенгагенам. Колькасць хворых дасягнула ўжо 16 чалавек, з верасня мінулага года інфекцыя забрала жыцці 12 чалавек, адзначае ВВС.
Напярэдадні ўлады Даніі распарадзіліся закрыць невялікую мясную фабрыку ў прыгарадзе Капенгагена і выключыць усю яе прадукцыю пасля выяўлення ў мясе небяспечных бактэрый — лістэрыяў.
Дацкія ўлады мяркуюць, што далейшы распаўсюд хваробы ўдалося стрымаць, аднак папярэджваюць, што небяспека заражэння ўсё яшчэ існуе. Пра ўспышку хваробы папярэдзілі жыхароў Нарвегіі, Швецыі ды Нямеччыны.
Ілюстрацыйнае фота — polit.ru
