У Брэсце ў школе шукалі выбуховае прыстасаванне
У пятніцу ўсіх настаўнікаў і вучняў сярэдняй школы № 23 эвакуявалі з-за тэлефанавання аб мініраванні.
Як паведамляе БЕЛТА, пасля ананімнага тэлефанавання ў міліцыю, у школу выехалі сапёры і праваахоўнікі. Людзей з будынка вывелі, а яго ачапілі. Больш за гадзіну сапёры аглядалі памяшканні і тэрыторыю вакол школы. Выбуховага прыстасавання не знайшлі.
Праваахоўнікі высвятляюць асобу "тэлефоннага тэрарыста".
Фота — gs.by
