У Беларусі прапануюць цалкам забараніць курыльныя сумесі
Галоўны нарколаг Міністэрства аховы здароўя Іван Канаразаў лічыць, што праблема іх ужывання ў беларускім грамадстве "стаіць вельмі востра".
"Гэта атрута, якую ўжывае наша моладзь, у асноўным навучэнцы, студэнты. Гэта сапраўды эпідэмія, якая на гэты момант не аб'яўлена ў класічных рысах, але спажыванне курыльных сумесей выклікае страх і жах", — сказаў нарколаг.
Ён падкрэсліў, што нават пасля першага ўжывання "чалавек вар'яцее" і ў некаторых выпадках не прыходзіць у норму нават пасля месяца стацыянарнага лячэння. Канаразаў заклікае забараніць курыльныя сумесі і ўвесці крымінальную адказнасць, інфармуе БелаПАН.