У Беларусі павысіліся пенсіі
З 1 лютага будзе зроблены пераразлік працоўных пенсій, у выніку чаго яны павысяцца на 5%.
Пра гэта гаворыцца ў прэзідэнцкім указе №52, інфармуе БЕЛТА. У лютым таксама пералічаць мінімальныя і сацыяльныя пенсіі, надбаўкі, павышэнні і даплаты да пенсій у сувязі з павелічэннем бюджэту пражытковага мінімуму. Нагадаем, што БПМ з 1 лютага па 30 красавіка 2014 году будзе складаць 1 мільён 128 тысяч 70 рублёў.
Сярэдняя пенсія складзе 2 мільёны 321 тысячу 300 рублёў.
Памер павелічэння для кожнага пенсіянера будзе залежаць ад індывідуальных параметраў яго стажу, заробку, а таксама ўсталяваных да пенсіі надбавак, павышэнняў і даплат.
