У Беларусі адзначылі Вербную нядзелю

Вербную (альбо Пальмавую) нядзелю адзначылі рыма-каталікі, уніяты і пратэстанты. Вернікі згадалі ўрачысты ўезд Ісуса Хрыста ў Ерусалім, які адбыўся за тыдзень да яго ўкрыжавання і ўваскрашэння. Ва ўсіх каталіцкіх храмах Беларусі прайшлі ўрачыстыя набажэнствы, таксама асвячаліся галінкі вярбы.

На Вербніцу традыцыйна прынята сцябаць адзін аднаго галінкамі вярбы. Асвячонай вярбе надаюцца магічныя ўласцівасці, таму яе доўга захоўваюць у хаце.

Праз тыдзень каталікі і пратэстанты будуць святкаваць Вялікдзень.

Фота Юліі Дарашкевіч, "Наша ніва"