У Бабруйску з тралейбуса эвакуявалі 15 чалавек
![У Бабруйску з тралейбуса эвакуявалі 15 чалавек](/sites/default/files/styles/gallery_main/public/2023-08/107083sss.jpg.webp?itok=iFIPEtXO)
Пятнаццаць чалавек былі эвакуяваны ў Бабруйску з тралейбуса. У яго салоне знайшлі безгаспадарчую сумку. Здарэнне адбылося ў сераду, 20 красавіка.
Як паведамляе БелаПАН са спасылкай на УУС Магілёўскага аблвыканкама, у міліцыю патэлефанавала жанчына-кіроўца тралейбуса. На месца здарэння выехалі міліцыянеры, ратавальнікі, медыкі, сапёры. Пры абследаванні падазронай знаходкі сапёрна-піратэхнічнай групай выбухованебяспечных прадметаў выяўлена не было.
Высветлілася, што сумка належыць 51-гадоваму мясцоваму жыхару. Праверка працягваецца.