Сёння згуляюць "Шахцёр" і БАТЭ
Стартавы матч 27-га тура футбольнага чэмпіянату Беларусі ў вышэйшай лізе пройдзе ў Салігорску.
Жывая трансляцыя запланаваная на тэлеканале "Беларусь 5", пачатак у 18.55.
Нагадаем, БАТЭ мае 57 ачкоў і лідыруе ў першынстве, на другім месцы — мінскае "Дынама" з 54 ачкамі, на трэцім — салігорскі "Шахцёр", у якога 44 ачкі.
Іншыя матчы тура пройдуць у суботу і нядзелю. 18 кастрычніка сустрэнуцца брэсцкае "Дынама" і "Мінск", "Гомель" і мінскае "Дынама". 19 кастрычніка наваполацкі "Нафтан" прыме жодзінскае "Тарпеда-БелАЗ", бабруйская "Белшына" — гродзенскі "Нёман", "Слуцк" — магілёўскі "Дняпро".
Вынікі лёсавання матчаў 1/4 фінала Кубка Беларусі
Фота — ria.ru
