СМІ: Еўрасаюз можа дэпартаваць 400 тысяч мігрантаў
![СМІ: Еўрасаюз можа дэпартаваць 400 тысяч мігрантаў](/sites/default/files/styles/gallery_main/public/2023-08/1294646041ria600.jpg.webp?itok=nXmiYIIN)
Еўрасаюз рыхтуецца дэпартаваць 400 тысяч мігрантаў, якім адмовілі ў атрыманні статуса бежанца. Гэтая аперацыя можа прайсці ў бліжэйшыя тыдні, піша брытанская газета Times, якая спасылаецца на свае крыніцы. Выданне адзначае, што такі крок "стане гуманітарным і палітычным выклікам для лідараў ЕС".
Кіраўніцтва Еўрасаюза, нібыта, пагражае такім краінам, як Нігерыя ці Эрытрэя, што калі яны адмовяцца прыняць назад эканамічных мігрантаў, будзе адкліканая дапамога, скасаваныя гандлёвыя і візавыя пагадненні. Дарэчы, паводле дадзеных на канец верасня ў Еўропу прыбылі з Афрыкі і Азіі, як мінімум, каля 630 тысяч мігрантаў.
![СМІ: Еўрасаюз можа дэпартаваць 400 тысяч мігрантаў](/sites/default/files/paragraphs/image/1221187509ap715.jpg)
Тым часам краіны ЕС з 7 кастрычніка падключаюцца да другой фазы сумеснай аперацыі ў Міжземным моры, якая накіраваная на барацьбу з нелегальнай перавозкай мігрантаў. Калі раней праводзіліся толькі ратавальныя аперацыі, дык цяпер будуць перахоплівацца караблі з мігрантамі, а кантрабандыстаў чакае суд у Італіі. Праўда, спецыялісты перакананыя, што гэта не можа прывесці да поспеху. Насамрэч, трэба змагацца адначасова і з транснацыянальнымі злачыннымі групамі, якія арганізуюць нелегальныя каналы перапраўкі ў ЕС людзей, інфармуе ВВС.
Фота: АР