Skype зноў працуе

Папулярны ва ўсім свеце сервіс інтэрнэт-тэлефаніі Skype не працаваў з учарашняга вечара.

З праблемамі ў працы IP-тэлефаніі сутыкнуліся карыстальнікі Skype як у ЗША, так і ў еўрапейскіх краінах.

Мабільныя прыкладанні Skype, у тым ліку прыкладанні для Iphone і апаратаў якія працуюць на сістэме Android, таксама не працавалі, паведамляе выданне Financial Post.

У канцы лістапада паслугамі Skype карысталіся ўжо 25 мільёнаў  чалавек.

Некалькі хвілін таму з непаладкамі ўдалося справіцца. Цяпер паслугамі Skype зноў можна карыстацца.