Сілавікі прыйшлі ў касметычную фірму "Модум"
Сілавікі прыйшлі ў касметычную фірму "Модум", паведамляе @nashaniva. Як і самая буйная беларуская інтэрнет-крама "21 век", куды 22 чэрвеня наведаўся КДБ, прадпрыемства "Модум" супрацоўнічала з Еўрапейскім банкам рэканструкцыі і развіцця.
Паводле "Нашай Нівы", супрацоўнікі замкнутыя ў памяшканні, кіраўніцтва затрымана.
Суўладальнік і кіраўнік "Модум" – кінапрадзюсар Віктар Лабковіч. У яго таксама ёсць доля ў "Юмор ФМ" і "Авторадио". Менавита Лабковіч прадзюсаваў дакументальную стужку "Дэбют" Анастасіі Мірашнічэнкі, якую Беларусь адпраўляла ў 2019 годзе на "Оскар".
