Серэна Уільямс знялася на відэа топлес дзеля барацьбы з ракам грудзей
Амерыканская тэнісістка Серэна Уільямс знялася на відэа топлес у падтрымку кампаніі барацьбы з ракам грудзей. У гэтым роліку экс-першая ракетка свету выконвае песню The Divinyls I Touch Myself.
Спачатку ў кадры бачны толькі твар спартсменкі, а потым камера аддаляецца — і Серэна Уільямс паўстае топлес. Такім чынам яна нагадвае жанчынам пра неабходнасць рэгулярна абследавацца.
Сёлета Уільямс вярнулася на корт пасля нараджэння дзіця, паспела правесці 24 матчы, у 18 з якіх выйграла. У пачатку верасня яна прабілася ў фінал на US Open, аднак саступіла там японцы Наомі Осака. Падчас таго матча Уільямс адзначылася скандальнымі паводзінамі, якія асудзілі многія спартоўцы.
For #BreastCancerAwarenessMonth I’ve recorded a version of The Divinyls global hit “I Touch Myself”!
— Serena Williams (@serenawilliams) September 29, 2018
It’s a reminder for women to self-check regularly as part of @itouchmyselforg supported by #Berlei for #BCNA pic.twitter.com/7qDQaS0SaU
