Робі Ўільямс ледзь не сышоў са сцэны

Брытанскі спявак Робі Ўільямс прызнаўся ў тым, што ўз'яднанне з Take That выратавала яго ад сыходу з шоў-бізнэсу, паведамляе Undercover.  «Калі б не хлопцы (астатнія ўдзельнікі Take That), я б больш наогул нічога не рабіў», - заявіў Уільямс. Маўляў, ён вельмі стаміўся ад сваёй кар'еры і сур'ёзна думаў пра сыход. Нагадаем, што раней Уільямс неаднаразова скардзіўся журналістам на заняпад сілаў і агульную млявасць.

Фота: virginmedia.com