У Мінску выступіць Шакіра
На днях з’явілася інфармацыя, паводле якой зорка лацінаамерыканскай музыкі Шакіра плануе наведаць нашу краіну з канцэртам.
Выступ можа адбыцца 19 траўня ў сталічнай “Мінск-Арэне”.
Адзначым, што канцэрт сапраўды ўнесены ў расклад тура на сайце спявачкі. Канцэрт адбудзецца ў межах тура з праграмай «The Sun comes out», з якой спявачка зараз гастралюе па Лацінскай Амерыцы. Еўрапейскі тур Шакіры стартуе 5 траўня ў Будапешце.
Шакіра абяцае ўразіць сваіх прыхільнікаў энергіяй жывога гучання і пульсуючым відовішчам, якія выходзяць за межы ўяўлення, ашаламляльнымі сцэнічнымі дэкарацыямі і ўнікальным канцэртным абсталяваннем.
Яе шоў-- гэта энергетычны кактэйль поп-музыкі, рока і лацінаамерыканскай музыкі, падкрэсліваюць арагнізатары.
Квіткі на шоў Шакіры ў Мінску з'явяцца ў продажы з 28 лютага.
Фота: vivagoal.com
