У Мінску адзначаць юбілей паўстання Каліноўскага
Вечарына пройдзе ў пятніцу, 1 лютага, у штаб-кватэры Партыі БНФ (вул.Чарнышэўскага, 3–39). Пачатак а 17-й.
Гэта адно з шэрагу мерапрыемстваў у межах Года Каліноўскага. Нагадаем, што сёлета акурат спаўняецца 150 гадоў з часу вядомага паўстання.
Дзень 1 лютага для вечарыны абраны не выпадкова. Менавіта ў гэты дзень выйшаў зварот Літоўскага правінцыяльнага камітэта на чале з Кастусём Каліноўскім да насельніцтва Беларусі і Літвы з заклікам падняцца на ўзброеную барацьбу. А 2 лютага — дзень народзінаў Каліноўскага.
На вечарыне чакаецца выступ гісторыка Алеся Смаленчука, які распавядзе пра паўстанне. Таксама выступяць Аляксандр Мілінкевіч і Уладзімір Някляеў. Пасля гэтага адбудзецца канцэрт.
Плануецца таксама падпісаць паштоўкі палітвязням з выявамі, прысвечанымі падзеям 1863 года.
Фота — svaboda.org