Сёння спаўняецца 425 гадоў Трэцяму Статуту ВКЛ
Ён быў зацверджаны акурат 28 студзеня 1588 года.
Трэці (і апошні) са Статутаў Вялікага Княства Літоўскага дзейнічаў амаль 250 гадоў. Ім карысталіся нават некалькі дзесяцігоддзяў пасля пачатку расійскага панавання. У Віцебскай і Магілёўскай губернях ён быў адменены ў 1831 годзе, а ў Віленскай, Гродзенскай, Мінскай — у 1840-м.
Стварэннем Трэцяга Статута кіравалі такія выдатныя дзеячы старабеларускай гісторыі, як канцлер Астафей Валовіч і падканцлер Леў Сапега.
У XVII—XIX стагоддзях перакладаўся на польскую, лацінскую, украінскую, нямецкую, францускую і рускую мовы.
У 1989 выдавецтва "Беларуская Энцыклапедыя" апублікавала комплекснае выданне, прысвечанае Трэцяму Статуту ВКЛ.
Фота — freesmi.by
