"Рэал" — "Манчэстар Юнайтэд" — 1:1

Увагу заўзятараў асабліва прыцягваў паядынак мадрыдскага "Рэала" і англійскага "Манчэстар Юнайтэд". Гульня была роўнай і справядліва скончылася ўнічыю 1:1. На гол Дэніэла Уэлбэка на 20-й хвіліне адказаў дакладным ударам Крышціяну Раналду на 30-й.

У іншым матчы данецкі "Шахцёр" і дортмундская "Барусія" згулялі ўнічыю 2:2.

Матчы ў адказ пройдуць 5 сакавіка.

Нагадаем, у аўторак адбыліся першыя два матчы 1/8 фінала. "Валенсія" на сваім полі прайграла ПСЖ — 1:2, а "Селтык" саступіў "Ювентусу" — 0:3.

19 лютага гуляюць "Арсенал" — "Баварыя", "Порту" — "Малага".

На здымку: лідары атак "Рэала" і "Манчэстара" Раналду і ван Персі. Фота — sport-xl.net