Суд над Сяргеем Малашэнкам перанеслі
Наваполацкага актывіста аргкамітэта Беларускай Хрысціянскай Дэмакратыі працягнуць судзіць 29 студзеня.
Прычына ў тым, што Малашэнак запатрабаваў абаронцу, паведамляе прэс-служба БХД.
Нагадаем, што яго вінавацяць за пікет салідарнасці з палітвязнем Алесем Бяляцкім. Актывісту пагражае штраф ад двух да пяці мільёнаў рублёў ці адміністрацыйны арышт.
Зранку ў чацвер Малашэнка затрымалі, калі ён ішоў на пошту, каб адправіць ліст начальніку міліцыі.
Фота — freeregion.info
