Сёння “Газпром” можа набыць “Белтрансгаз”
Аб гэтым заявіў кіраўнік расійскай кампаніі Аляксей Мілер.
Ён падцвердзіў, што 25 лістапада ў Маскве будзе падпісана пагадненне аб куплі газавым холдынгам другой паловы акцый "Белтрансгазу". Мілер лічыць, што гэта адбудзецца з верагоднасцю 100%, паведамляе БелаПАН.
Нагадаем, што ўчора пачаўся візіт Аляксандра Лукашэнкі ў Маскву. Ён сустрэнецца з прэзідэнтам Расіі Дзмітрыем Мядзведзевым і падпіша шэраг дакументаў. Верагодна, сярод іх будзе і пагадненне аб продажы “Белтрансгазу”.