Новая каманда Юрыя Пунтуса прайграла першы матч (фота)
Смалявіцкі футбольны клуб “Вігвам" пасля першай гульні з новым трэнерам скаціўся на апошняе месца ў другой лізе.
Каманда Юрыя Пунтуса, які толькі нядаўна ўзначаліў смалявіцкі “Вігвам", 24 ліпеня правяла свой першы матч з новым трэнерам. На сваім полі яна прайграла аднаму з лідэраў лігі слонімскаму "Белтрансгазу" з лікам 2:4. З перадапошняга месца, якое клуб займаў да новага трэнера, "Вігвам" скаціўся на апошняе.
У слонімцаў двойчы вызначыўся Зміцер Гамза, які з 16-ю галамі з'яўляецца найлепшым бамбардзірам 2-й лігі.
