На помнік Руслану Салею зарабляюць продажам маек
Федэрацыя хакею Беларусі сумесна з сайтам Goals.by абвясціла дабрачынную акцыю “Помнік для Салея”.
Для таго, каб стаць яе ўдзельнікам, трэба набыць майку з выявай Руслана Салея. Яе кошт — 100 тысяч рублёў. Усе сродкі, атрыманыя ад продажу маек, будуць скіраваныя на дабрачынны рахунак федэрацыі, якая ўзяла на сябе абавязанні па ўзвядзенні помніка легендарнаму хакеісту. Манумент плануецца ўсталяваць каля адной з хакейных арэн Мінска.
Нагадаем, што Руслан Салей загінуў 7 верасня ў авіякатастрофе пад Яраслаўлем.
