Міліцэйскі “Крайслер” тройчы парушыў ПДР (відэа)
За такое парушэнне правілаў дарожнага руху шараговы кіроўца можа пазбавіцца правоў.
Відэазапіс з рэгістратара ў рэдакцыю даслаў слухач. Ён зроблены ў Мінску на мосце па вуліцы Багдановіча 23 снежня 2012 года. Паводле словаў аўтара відэа, “Крайслер” з міліцэйскай расфарбоўкай ехаў без сірэны і тройчы перасёк суцэльную лінію разметкі.
Звычайнаму кіроўцу за падобныя манеўры пагражае “адміністратыўнае спагнанне ў выглядзе штрафа ад 1 да 10 базавых велічынь з пазбаўленнем права кіравання да 1 года, альбо без пазбаўлення”.
Здымак з архіву. Фота — abw.by