Лукашэнка раздаў генеральскія пагоны
Кіраўнік краіны 23 лютага на прыёме кіраўніцкага складу Узброеных Сіл і праваахоўных органаў уручыў генеральскія пагоны.
У прыватнасці, пагоны генерал-маёра атрымалі Ігар Лацянкоў і Алег Двігалёў, пагоны генерал-маёра міліцыі ўручаныя Мікалаю Мельчанку і Аляксандру Барсукову, пагоны генерал-маёра ўнутранай службы — Генадзю Ласуце, інфармуе БЕЛТА.
Акрамя таго, першы намеснік старшыні Дзяржаўнага мытнага камітэту Сяргей Радненка і намеснік старшыні ДТК Сяргей Полудзень атрымалі пагоны дзяржаўнага дарадцы мытнай службы ІІІ рангу. Пагоны дзяржаўнага дарадцы юстыцыі 3-га класа атрымаў намеснік генеральнага пракурора Мікалай Кукліс.