Курс долара пачаў расці
8 снежня на таргах Беларускай валютна-фондавай біржы долар каштаваў 8560 рублёў. Гэта на 10 рублёў больш, чым учора.
Расійскі рубель сёння застаўся на ранейшай адзнацы — 274 беларускіх. Курс еўра зменшыўся з 11 500 да 11 490 рублёў.
Дарэчы, курс долара на біржы ўпершыню павялічыўся з 10 лістапада: тады амерыканская валюта падаражэла з 8790 да 8850 рублёў. Пасля гэтага амаль месяц долар або заставаўся на ранейшай адзнацы, або таннеў.