КДБ спрабуе трапіць ў хату да праваабаронцы Насты Лойкі
Пра гэта па тэлефоне паведаміла маці Насты, якая паспела сыйсці з дому і зачыніць дзверы.
Зараз, па яе словах, супрацоўнікі КДБ чакаюць панятых, каб узламаць дзверы.
Наста Лойка праз суседзяў папрасіла перадаць, каб дзверы не ламалі да яе прыезду.
Цяпер яна едзе туды разам з іншымі праваабаронцамі — Алесям Бяляцкім, Алегам Гулаком ды супрацоўнікамі міжнароднай місіі.
"Я думаю гэта звязана з тым, што я была 19-га снежня на плошчы Незалежнасці, назірала за мірным сходам. Думаю, што іх цікавіць менавіта гэта", — кажа Наста Лойка.
