Электрычнасць можна атрымаць з бульбы
Такое ноў-хаў з’явілася ў Мазыры.
Інжынер мясцовага НПЗ Аляксандр Зазуля стаў аўтарам незвычайнага вынаходніцтва: маленькая лямпачка бесперабойна гарэла ў яго два тыдні на адной толькі бульбе.
Яшчэ ў піянерскім узросце Аляксандр захапляўся мадэляваннем і тэхнічнай творчасцю. Тады ён і навучыўся атрымліваць энергію з таго, што трапіцца пад руку. Сілкаваць лямпачку ад бульбы ён прыдумаў, калі даведаўся пра сталічны конкурс “Тэхна-Арт”, перадае тэлеканал “Мазыр”.
