Бітва робатаў адбылася ў Брэсце (фота)
У Палітэхнічным універсітэце прайшоў ІІІ этап міжнароднага спаборніцтва робатамабіляў Roborace.
У гонцы за кубак Брэста прынялі ўдзел 10 каманд з Мінска, Брэста, Львова і Івана-Франкоўска. Пасля 2 паўфіналаў і фіналу спаборніцтваў пераможцам стаў робат львоўскай каманды "Фатоніка".
Кіруюцца машынкі самастойна з дапамогай праграмуемага датчыку. Паводле правілаў, першае месца ў заездзе займае робатамабіль, які за меншы час праедзе 10 поўных колаў.