Бензін падаражэе яшчэ на 3%
Мінулае падвышэнне коштаў на паліва адбылося 21 ліпеня.
У Беларусі рыхтуецца рашэнне аб чарговым падвышэнні цэнаў на аўтамабільнае паліва ў сярэднім на 3%. Аб гэтым паведамляе газета “Наша Ніва” са спасылкай на агенцтва “Прайм-ТАСС”. Заўважым, што апошні раз у Беларусі цэны на паліва падвышаліся з 21 ліпеня і таксама на 3%. Магчыма, што наноў кошты падымуцца яшчэ ў жніўні.
Нагадаем, што пасля нашумелай акцыі аўтамабілістаў 7 чэрвеня Аляксандр Лукашэнка загадаў знізіць кошты на паліва і павышаць іх паступова. Кіраўнік краіны абгрунтаваў гэта тым, што людзі павінны прывыкнуць да новых цэн.