Амбасада Беларусі ў Польшчы: беларусы, будзеце пільнымі!
Беларускія дыпламаты просяць грамадзян нашай краіны захоўваць меры бяспекі пры знаходжанні ў Польшчы.
"Интерфакс-Запад" адзначае, што робіцца гэта з нагоды даволі частых апошнім часам крадзяжоў і разбойных нападаў, якія здзяйсняюцца ў адносінах да беларусаў. Амбасада Беларусі раіць быць уважлівымі падчас наведвання крамаў, супермаркетаў, грамадскіх месцаў, на аўтастаянках, не пакідаць без увагі свае асабістыя рэчы ў салоне аўтамабіля, падчас паездкі ў цягніку. І самае галоўнае — быць асцярожнымі ў кантактах з незнаёмымі людзьмі.