Журы "КінаVarki" апранулі ў каструлі
Курэйчык, Максімкаў, Кот, Рогач ды іншыя зняліся для скандальнага фотапраекта "ФотаVarka".
Адкрыццё трэцяга форума "КінаVarka-2011" прайшло ў форме прэс-сняданка ў Мінскім міжнародным адукацыйным цэнтры імя Раў (IBB).
Свой трэці год існавання "КінаVarka" адзначыла новымі здзяйсненнямі: па-першае, у фестываля з’явіўся дырэктар – Генрыета Юціч. Па-другое, падставаў для спаборніцтваў ў межах "КінаVarki" стане больш – у дзвюх новых намінацыях "Аб’ектыўны погляд" і "Band on The Run" вызначаць высветліць лепшую аператарскую работу і самы арыгінальны кліп.
Да таго ж напярэдадні старту форума сябры журы "КінаVarki" прынялі ўдзел у фотасесіі, якая атрымалася настолькі яскравай, што стала асобным праектам – "ФотаVarkaй". Паводле задумы, суддзі павінны былі паказаць нестандартны працэс ужывання кухоннага посуду ў творчасці і быце. У першую чаргу каструлі, якая з моманту нараджэння "КінаVarki" з’яўляецца яе сімвалам і лагатыпам.