Рэдкаму віду павукоў далі імя Дэвіда Боўі

Нямецкі навуковец Петер Ягер адкрыў новы від павукоў і вырашыў назваць яго ў гонар знакамітага брытанскага музыкі Дэвіда Боўі. Пра гэта піша выданне The Daily Telegraph.  Прадстаўнік членістаногіх, які атрымаў назву Heteropoda davidbowie, быў выяўлены у Малайзіі. Ці прадстаўляе Heteropoda davidbowie пагрозу для чалавека, пакуль не паведамляецца.

Выданне выказала здагадку, што, назваўшы павука імем Дэвіда Боўі, навуковец вырашыў адзначыць уклад музыкі ў папулярызацыю гэтых жывёл. Справа ў тым, што павукі згадваюцца ў назве культавага альбома выканаўца "The Rise and Fall of Ziggy Stardust and the Spiders From Mars" (Узлёт і падзенне Зігі Стардаста і Павукоў з Марса), рэліз якога адбыўся ў 1972 годзе.

Боўі стаў не першым музыкам, у гонар якога быў названы павук. Так, у 2008 годзе амерыканскі біёлаг назваў новы від павукоў Myrmekiaphila neilyoungi, у гонар канадскага музыкі Ніла Янга.

lenta.ru