Расіяне абстралялі бальніцу ў Херсоне, загінуў лекар
Лякарня ў Херсоне пасля расійскага абстрэлу / t.me/pgo_gov_ua/
Раніцай 1 жніўня расіяне абстралялі бальніцу ў Херсоне, загінуў лекар, паведамляе Офіс генеральнага пракурора Украіны. Траўмы атрымала медсястра. Колькасць пацярпелых яшчэ ўдакладняецца. Пашкоджаны будынак лякарні, аўтатранспарт каля яе.
Ратавальнікі пішуць, што гэта быў артылерыйскі абстрэл. Было пашкоджана хірургічнае аддзяленне Херсонскай гарадской клінічнай бальніцы. Узгарання не адбылося.
t.me/dsns_telegram/
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.