Праваабаронцы прызналі палітвязнямі яшчэ дзевяць чалавек
Яшчэ дзевяць чалавек прызнаныя палітвязнямі, піша праваабарончы сайт "Вясна". Гэта Алег Філіпаў, Міхаіл Прач, Валерый Ясечак, Аляксандр Жданаў, Яўген Шпількаў, Сяргей Хацкевіч, Вадзім Цішкевіч, Адам Цяслюк і Міраслаў Федаровіч.
Яны ўсе асуджаныя за абразу Аляксандра Лукашэнкі, супрацоўнікаў міліцыі, судзяў, знявагу дзяржаўных сімвалаў, а таксама выкарыстанне іншых формаў выказвання меркаванняў.
Праваабаронцы лічаць іх пераслед і пазбаўленне волі палітычна матываванымі, звязанымі з мірнай рэалізацыяй выказвання меркавання. Яны патрабуюць неадкладна вызваліць згаданых палітвязняў і спыніць іх крымінальны пераслед.
Таксама праваабаронцы заклікаюць прыбраць з Крымінальнага кодэкса артыкулы пра дыфамацыйныя парушэнні, вызваліць усіх палітыченых зняволеных і спыніць палітычныя рэпрэсіі супраць грамадзян Беларусі.
Пад заявай падпісаліся праваабарончы цэнтр "Вясна", "Беларускі Хельсінкскі камітэт", Lawtrend, "Прававая ініцыятыва", Беларускі ПЭН-цэнтр, Беларуская асацыяцыя журналістаў, "Ідэнтычнасць і права".
На сёння ў Беларусі налічваецца 836 палітвязняў.
