Паставы ўрачыста адзначаюць сваё 600-годдзе
Сваё 600-годдзе ў суботу пачынаюць урачыста адзначаць Паставы. У рамках свята пройдзе XI Міжнародны фестываль народнай музыкі "Звіняць цымбалы і гармонік". Нагадаем, што горад з'явіўся ў 1409 годзе, калі ўладальнік вёскі Пасаднік Дэспат-Зяновіч атрымаў ад вялікага князя літоўскага грамату на перавод яе ў горад з прысваеннем новай назвы. Свайго росквіту Паставы дасягнулі ў XVIII стагоддзі пры Антоніі Тызенгаўзе, падскарбім ВКЛ. Пры ім з'явіліся першыя каменныя дамы і прадпрыемствы.
